कान्तिपुर पब्लिकेसन्सको २५ औ वार्षिकोत्सवको अवसरमा कान्तिपुर मिडिया ग्रुपद्वारा प्रबद्र्धित गैर नाफामुलक परोपकारी संस्था कान्तिपुर फाउण्डेसनले कान्तिपुर आइकन प्रदान गर्दैछ ।  २०७१ सालमा स्थापित कान्तिपुर आइकन नेपाली राष्ट्रिय जीवनमा योगदान पुर्याएका नेपाली वा विदेशी नागरिकलाई जीवित या मरणोप्रान्त प्रदान गरिनेछ । यस वर्षदेखि कान्तिपुर आइकन लेखन÷कला, अर्थ तथा वाणिज्य, विज्ञान तथा प्रविधि र सामाजिक–राजनीतिक गरी चार क्षेत्रमा योगदान पुर्याएका व्यक्ति, संस्था वा समुहलाई प्रत्येक वर्ष प्रदान गरिनेछ ।

कान्तिपुर पब्लिकेसन्सको २५ औ वार्षिकोत्सवको अवसरमा एउटा विशिष्ट समारोहमा नेपालको राष्ट्रिय जीवनमा योगदान पुर्याएका व्यक्ति, समुह वा संस्थालाई कान्तिपुर आइकन प्रदान गरिनेछ । कान्तिपुर आइकनलाई रु. ५ लाखको स्वर्ण पदकसहित एक प्रशस्ती पत्रद्वारा सम्मानित गरिनेछ ।

आफ्नो क्षेत्रमा अथक क्रियाशीलता र सेवाका लागि एक प्रेरणादायी व्यक्ति, समुह वा संस्था कान्तिपुर आइकनका लागि योग्य हुनेछन् । हामीले सार्वजनिक रुपमा चार विधामा कान्तिपुर आइकनका लागि मनोनयन गर्न आह्वान गरिसकेका छौ“ । यस अलावा हामीले सम्बन्धित क्षेत्रका विज्ञहरुबाट पनि कान्तिपुर आइकनका लागि मनोनयन गराउनेछौ“ ।

सार्वजनिक आह्वान गरिएअनुरुप आएका प्रस्तावहरुका आधारमा यो पुरस्कारको अन्तिम छनौट कान्तिपुर फाउण्डेसनका सदस्य एवम् समाजका लव्ध–प्रतिष्ठित महानुभावहरुको संलग्नता रहेको प्रत्येक क्षेत्रको पा“च सदस्यीय स्वतन्त्र निर्णायक मण्डल (जुरी) ले गर्नेछ ।

कान्तिपुर आइकनको योगदानका बारेमा कान्तिपुर मिडिया ग्रुपका विभिन्न प्रकाशन÷प्रसारण माध्यमबाट प्रचार गरिनेछ । कान्तिपुर आइकनलाई नेपालका बुद्धिजीवी, नीतिनिर्माता, बरिष्ठ कुटनीतिज्ञ र ब्यापारिक समुदाय सम्मिलित एक विशिष्ट समारोहमा आफ्नो मन्तव्य राख्ने मौका मिल्नेछ । संवादलाई बढावा दिने र समझदारी बढाउने एउटा अविस्मरणीय समारोहको आयोजना गर्ने तयारीमा छौ“ ।